Uut anden - in anden
audioToen a Engel Reinhoudt ‘esturven is, ei t’n vaneigens aolles uut anden motte geve. Wat zulle me z’n stikjes in de krante misse. Ze binne nie te evenaeren. Mè ik za Engel vooraol misse as mèns.
Delen per e-mail
Me è saemen wè is op toneêl ‘estae. Ik vroeg toen onderweg in d’n auto of a t’n ok zenuwachtig was. ,,Da vaol wè mee, ik doe aoltied eêst tuus yogaoefeniengen”, zei t’n. Dì aok niks an, wan me were a onderweg. En ie docht toch zeker nie, da ’k achter de gerdienen plat op m’n gat en mie m’n ôgen dicht een stuitje zou ge zitte! ,,Vuuf keêr goed diepe aeseme, dat elpt ok”, was z’n twidde raed. Vlak voe a de gerdienen open goenge, stoeng ik te blaezen as een katte in ’t nauwe. Het ielp nie vee, mè ik è Engel wè an ’t lachen ‘ekrege.
En noe is t’r an mien ‘evroge of a ik die stikjes in de streektaal van Zuud-Beveland zou wille doe. Bie de gedachte alleên a brak het zweêt me uut. Onzekere gedachten kwaeme bie me op as vuulte in ’t of. Kan ik dat wè? De drie are venters van de streektaalstikjes bin bedreve in het schrieven van een column. Ikke nie. Bovendien è ze aolle drie bie ’t onderwijs ‘ezete. Ikke nie. Oe zulle de mènsen reagere a ze mien stikje in anden kriege?
Aol die onzekere gedachten schote deur me ene en onderwiele knipten ik een 103-jaerigen uut de krante. Ja, het berichtje over um dan ee. Die berichtjes over verjaerdaegen of rouwadvertenties van mènsen die a 100 jaer of ouwer bin, stier ik a jaeren op nì iemand in Arnhem. Die ei overaol in Nederland mènsen zitte, die a dat voe z’n doe. Zelf is die man nog mè net in de vuuftig. Wirrom a t’n dì noe z’n arigheid in eit? Ik zou ’t nie wete. Ik doe ’t mè gewoon. Ie zou het toch ok via internet op kunne zoeke?
Mè misschien ei t’n ok graag een papiere stikje in anden. Zò noe en dan stier ik ze op a ’k er wee een bitje bie mekare è. ,,Dì komme de ouwetjes, dì komme ze an”, schrieve ‘k dan. Ik dienke d’r dan glad nie bie nae, da mien padje ok a ingekorte. Aneêns docht ik bie ’t berichtje van die 103 jaerigen, die a z’n verjaerdag nog mocht viere, ik gae d’r voe. Ik ope da ’k nog vee jaeren actief mag bluve. Ik ouwe van m’n streektaal. Mie m’n verhalen en gedichten probere ik dat moaie dialect a jaeren in eêre te ouwen. Ik doe ‘t. Klaer!
Het stikje, dat a’ k noe ‘eschreven è, dat is meêr om kennis te maeken. A ‘k noe de volgende keêr an de burte bin en je krieg m’n stikje in anden, dan oop ‘k dat je mond’oeken de goeie kant opkrulle. Ik za m’n besten doe.
Beluister hier de aflevering ‘Uut anden - in anden’:
Gratis onbeperkt toegang tot Showbytes? Dat kan!
Log in of maak een account aan en mis niks meer van de sterren.Lees Meer
-
PREMIUM
STREEKTAAL Toen kwam de post nog ’s aovus
,,J’n achterlicht bran nie”, roept ‘n vintje uut de straote. ‘t Is aovund, net nao vuuven. De lantèèrns brannen al ‘n tiedje. Dao lag al ‘n paor daogen ‘n brief op de kasse en eigenlijk lag tie dao op ‘t verkêêrde plekje. ,,Die moe je in ‘t zicht leggen, joeng. Dan vergeet je die nie.” -
PREMIUM
streektaal/audio Best nog lekker in ‘t zonnetje ‘ôôr
,,Jao, joeng”, zegt de buurman, binst an me ’n bakje koffie drienken, ,,de daogen liggen dichte bie mekaore, mao ze kunnen ‘êêl vee verschillen.” Ik knikken maor ’s, want dat is ’n waor’eid as ’n koe. -
PREMIUM
streektaal/audio ‘Joen druvelaor is glad nie goed gesnoeid’
,,Weet je nog”, zegt de buurman, ,,vorig jaor op dezen tiid toen lag t’r al een pakje snêêuw.” Me staon saomen op d’achterstraote te kieken naor ‘n paor tortelduufjes die driftig in d’n ‘of heen en weer stappen. Op zoek naor eten. Ze kommen ielke dag zô tegen de middag even langst. Want ze weten, dat er nog genoeg muure in den ‘of staot. Ze pikken dan die joenge malse blaodjes van de plantjes. ‘t Is ‘n lust om nao te kieken. Ielke dag wee. -
PREMIUM
streektaal/audio Me bin aol hliek!
De sturmen rond onze held zwarte (mè hin hoofdletter…) Piet en de racistische uutlaetingen rond het voetbalveld bin wi een bitje he leie. Een nieuw jaer, nieuwe kansen, nieuwe voornemens (over een maend of tiene beginne ze wi.!) om onze medemensen die een bitje anders bin of nie van onze ‘kleur’ ,toch een bitje positiever te benaederen. -
PREMIUM
streektaal/audio Billekoek
Waè a je toch van oart! Noe stoeng ‘r in de krante da seksspeeltjes zô populair bin en da oanze provincie bovenan staèt vanwege de meêst verkochte. Dat wekt toch de nieuwsgierigheid op. Wat zoue dat noe weze?
-
PREMIUM
streektaal/audio Boevekotje
M’n aode vroeher op Renisse an de kaarke rechts van de groôte deure ‘t brandweerkot in lienks stieng ‘t boevekotje. Zô wier dat dû de kinders genoemd. D’r zat zô noe in dan ‘n vint in die te diepe in ‘t glaesje ekeken ao. ‘t Is gelokkig of ’ebroke want d’r bin gin boeven mî in mien durp. In as t’r noe kaerels op’epakt ore, dan gae ze trek nae Zurrikzeê. -
PREMIUM
Streektaal Gevaerlijke spelletjes
De spelletjes van joengers waere in bin nog aoltied eêl andester as die van de meisen. Ik è mien jeugd dûhebrocht in Nijmegen in ons woonde vanof september 1944 in ’n frontstad. ’t Gieng noe eêmae nie zô goed bie Arnhem as Montgomery gedocht ao in d’r wier van beie kanten nae mekaore geschote. -
PREMIUM
streektaal/audio Weeten judder ‘t ook nog?
Stom ee,’’ zegt ie tegen me, ,,binst a tie z’n ‘ouwêêle an de kant legt. ,,Stom ee, dat je diengen van gisteren vergeet en van 70 of 80 jaor geleejen nog ‘elder voo je kan trekken.’’
