PREMIUM
‘t Kom aomè goed
Wulder bin deze zomer nog â ‘s naer ‘t strand ehae om te zwemmen, want ‘t was aarg waarm. Dat è julder netuurlijk ok ervaere. As ik ‘t waeter inhae kiek ik aoltoôs eêl goed of dat ‘r gin kwallen bin of zeê-onden.
Delen per e-mail
Ofheloape jaer ao de vrouwe ‘n anvaerieng mit ‘n joenge zeê-ond in dat was nie leutig. Ie wou dienk ik enkelt spele, mâ jao, ie krauwde mit z’n naehels over d’r beên in ze most ‘r mee naer de EHBO-post in de dokter.
Ik è dat â ‘s eerder vertaald. Sint kieke m’n aoltied eêst goed wat of t’r nog meer zwemt. Zaalf aod’ik dit jaer ‘n gevecht mit ‘n kwal in daer bin ik goed dû gestraeld. Aomè roôie bulten op mien aarm. ‘t Dee vee joeke in de azaron miek ‘t mâ ‘n bitje minder. Ik ao d’r ‘n weke last van.
Gratis onbeperkt toegang tot Showbytes? Dat kan!
Log in of maak een account aan en mis niks meer van de sterren.Lees Meer
-
PREMIUM
streektaal/audio ‘Wat waere ze in de were vô me!’
Slaope is goed, gezond en noodzaekelijk. Mè as aolebei je bênen en voeten slaope onderwiele dat de rest van je lief wakker is, dan haet er ies mis! Zô was dat bie mien en dirom kwam ik terecht bie twi knappe koppen, dokter P. te V. en dokter D. te R. Het resultaât was: drie nachten nè het Adrz-hotel in Goes, mee aoles d’r op en d’r an. Eêl gastvrie was ’t dâ’k zelfs op d’n ochen van ankomst nie mi tuus oefde te eten. Echt Zuud Beveland! Dokter D. ao beslôte dâ mien ruggewervelkanaâl verbreêd moest ore. Di zouwe m’n bênen zêker wakker van ore, docht ‘n. Ie keek me â bie ’t eeste gesprek zô vol vertrouwen an, dâ’k onbevreêsd nè ’t hotel hieng. Ie zou dat vaerkentje wè es wasse! Jae, ’t was millimeterwèrek, mè ie dee zuk soort klusjes â eêl wat jaeren. -
PREMIUM
streektaal/audio Gelokkig is Rutte ’n ouwerjaerse schoolmeêster
Vuuvenzeventig jaer eleeje was de bevrijdieng. Ik was tiene, mâ ik euhe nog ‘t gedans in gezwier van de maansen. Vlak bie ons uus aode ze ‘n dansvloer an’eleid in saeves wier d’r gedanst. Meêstentieds deeje de meissen dat mit de joengers in uniform. De aore mannen stienge daer toch wè ‘n bitje jeloers bie te kieken. ‘n Groôte lampe brocht vee licht, mâ wat ‘r buten de lichtkrieng gebeurde kô je nie zie. Dat wier pas maenden laeter dudelijk dû ‘n zwellieng van de buken bie sommigte meissen. Jao, vee meissen aode de vrie’eid nie an’ekund. De soldaoten waere allank â vertrokke naer uus. Â je d’r goed over naedienkt was t’r toe â zô-ies as ‘n brexit. In je mag dan vrie weze, verantwoordelijk bluuf je as maans vô aoles wat of je doet. Dat ‘oor tehenwoordig wè ‘s verhete. -
PREMIUM
STREEKTAAL Fietse, ete, praote en luustere
Het ei wat moeite gekost, mè dit jaer bin’k overtuugd geraekt van een twi-tal zâken, die ‘k lang anders zag. Saemen mee m’n vrouwe bin ik noe de gelukkige bezitter van een fiets mee ondersteuning. Lang docht ik, dâ zôies niks vô mien was, ik was er nie an toe zôgezeid. M’n vrouwe en de fietsenverkoper uut Disoek ebbe me over de streep haele. Joeng en oud kunne gewoon gebruuk maeke van de moderne mogelijkheden die d’r bin op fietsgebied. Je rie waerlijk mee vee plezier en je oeft d’r echt nie lui van t’oren. Ik wete, dâ iedere vergelieking mank haet, mè vroeger hienge mien ouwers nè Goes mee openbaer vervoer. Dat kan nog, mè ik gae mee d’n auto. Nie omda’k er an toe bin! -
PREMIUM
streektaal/audio Die trekken wel bie, ‘ôôr
,,Hie bin zeker ziek gewist?” roept ‘n vrouwe tegen me, toen ‘k gisteren in m’n ‘ofje stoeng. ‘k Was de rozenbottels an ‘t afknippen. Mêêstal laot ik die staon tot nao de leste vost. De veugels kunnen dan ommerst lekker van die bottels eten as ‘t vriest. Mao da’s verbie. D’r is glad gêên vost gewist deze winter. -
PREMIUM
Streektaal Gevaerlijke spelletjes
De spelletjes van joengers waere in bin nog aoltied eêl andester as die van de meisen. Ik è mien jeugd dûhebrocht in Nijmegen in ons woonde vanof september 1944 in ’n frontstad. ’t Gieng noe eêmae nie zô goed bie Arnhem as Montgomery gedocht ao in d’r wier van beie kanten nae mekaore geschote.
-
PREMIUM
streektaal/audio ‘Ik was nie alleên…’
Oe ouwer je oordt, oe hrôter je verleden is en je moe aoltied wi oppasse nie te vee in de tied van vroeger te bluve angen. Zô an ’t einde van ‘t jaer kieke me een bitje trug nè oe of ’t was en voruut nè de toekomst. Joenge mensen ebbe vee goeie voornemens en plannen, ouweren ope eigenlijk dâ ze aol nog een bitje mee kunne , voral gezond bluve en ook nog een bitje kunne geniete van ’t leven. Wan, oordt er gezeid, . vôdâ je d’r erreg in eit….! -
PREMIUM
STREEKTAAL Mijn dag is goed begonnen
Je zet ’r nog à de lap op, roept de buurman binst a tie verbie riejt nao de polder. Soms stopt ie even voor ’n praotje, mao vanmorgen niks van dat alles. ’t Is trouwens nog vroeg, dà moen ’k ook wel zeggen. -
PREMIUM
AUDIO Een joenge meid naekieke!
In naebie aole durpen in Zeêland ebbe ze een soos vô senioren. Wat is het dan jammer, dat er nog zôvee mensen eênzaem bin en bluve. Je kan makkelijk lid ore en vô ’t geld oef je het nie te laeten, wan de contributie is nog vóór-oorlogs. En meêstal kent de gezelligheid hin tied bie zulke groepjes ouwere. Nie alleên spilletjes doen is belangriek, de onderlinge contacten bin dikkels eêl levendig en leerzaem. Ik kan ’t wete, wan ik bin, hoewel hlad nie eênzaem, hraog bie de soos van ‘Melismoskou’ wi zô’n vuuftien mannen, in het naejaer of de vroege winter van ulder leven, iedere keer wi d’r best doe rond de biljarttaefel en vrouwen uut hetzelfde tiedperk aolerlei spilletjes doe.
