Volledig scherm
PREMIUM
© rv

Stoelen in banken

streektaalBie ons in de kaarke è m'n aomè eike'oute banken. Die zitte ard, dat wete julder wè. Daerom bin d'r jaeren elee, toe dat 'r nog 'n vrouwevereênehieng was, lange kussens emaekt. De gemeênte was nog vriezinnig in de maansen wouwe wè nae kaarke komme, mâ ze moste dan toch nie ard zitte. 

D'r waere zaalfs maansen die ok nog 'n eihe kussen meebrochte. Dat kon toe nog, want in dien tied aode m'n betaelde plekken. Dat is laeter of'eschaft, want de kaarke wier nie zô druk mî bezocht. Mâ die kussens doe 't goed. M'n è concerten in m'n aode zaalfs musicals waer of de bezoekers drie uren moste zitte, mâ m'n è gin klachten g'oôrd.

PZC gebruikt je persoonsgegevens om deze reactie te kunnen plaatsen. Meer informatie vind je in ons privacy statement
  1. Pette
    PREMIUM
    streektaal/audio

    Pette

    Onderlesten waere wulder mee mit 'n busreize naer de Rivièra. 't Was moôi, ô, in m'n aode aalken dag zonne. Dust ik was blie dat ik mien pette bie m'n estoken ao, â è'k daer slechte ervaeriengen mee. Ik bin naemelijk eêl aarg goed in 't verheten van de pette â'k aarhest ezeten è. D'r loapt 'r op Schouwen eêne rond, die mit 'n pette loapt waer of 'n blauwvoet-jan-van-gent op staet. Â je dat ziet, dan weet je, die is van mien, die è'k op de Galapagos ekocht. Mâ jao, aarhest in Zurrikzeê, ik zâ de plekke "onder de pet houden", è'k 'n laete laahe. Kwiet netuurlijk, wat dienk je, zô'n moôie pette wil iedrendeên è.
  1. Wi bluuft de tied?
    PREMIUM

    Wi bluuft de tied?

    Een stuitje gelee oorde ik over een wat ouwere vrouwe. Je zou kunne zeie, dat het een riepe, misschien overriepe, mè pittige tante was. Ze was nog op zoek nè een nieuwe liefde in d’r leven. En ze wist eêl goed wie ze nie wou ebbe! Het moest hin ‘uutgekachelde’ vent weze. Ze bedoelde d’r mee, dat ze hin ingezakte man wou, éên van wie niks uut hieng. Ze hieng nog vô een ‘senior-spring- in-’t veld’! Ik docht toen drek an ’t gezegde dâ de ouwerdom mee gebreken komt. Dat er een leeftied is dao je kleine pientjes en kwaelen he kriehe. En dao je oopt, dat het nie erreger oordt!
  2. ‘t Was maor ‘n natte boel
    PREMIUM
    streektaal/audio

    ‘t Was maor ‘n natte boel

    Nog maor ’n weeke geleejen, stoeng ‘k ’s morgens redelijk vroeg op (de krante lag al op de matte) toen ‘k nao buuten keek. Den ‘êêlen nacht ‘aod ‘t geregend. En nii zô weinig ook. De plassen in den ‘of. De straoten boenken. Misschiens is ‘t vuuf jaor geleejen, dat de straote opnieuw geleid is. Mao de speuren van d’auto’s staon weer al vol waoter. Weer a? zeg ik. ‘t Was bots a zô. Toen a den annemer z’n kont gekêêrd ‘ao. Ik docht toen nog bie m’n eihen: ‘Oe kan je zô iets noe goedkeuren?’ Da zou bie ‘n parteklier daorom nie deugaon.