Ken je mien nie mi...?
StreektaalIk kwam ze tegen nae afloop van één van m’n leste verteldaegen vôdat de wereld veranderde deu corona! Nae een leste groet liep ik nè buten en ieuw ze me tegen. Een ouwere vrouwe, van, zô schatte ik, half de tachtig, klampte me an en mee een vrolijk gezicht begon ze: ,,Dag Fransje, dat is lang gelee dat ik joe gezien ebbe! Jae, jie ei nôhâ es een keertje an ’t andje mee mien gelope. Ken je mien nie mi?” Omdat m’n gezicht één hroôt vraegteken vurmde, kwam ze toch drek mee een verhaâl, wat an dudelijkheid niks te wensen over liet.
Delen per e-mail
,,Ik komme ook uut Béékerke ô! En ik zat in de vuufde of zesde klasse bie joe vaoder. Die was bovenmeêster. Ik mocht ’s ochens vlak vô schooltied wè es om joe nè ’t schooluus. Dat stoeng vlak bie de schole. Dan nam ik joe an d’n and mee nè de klasse en zat je nest mien in de bank te luusteren nè de biebelles! Je was zô stil as een muusje. As me hienge rekene, brocht ik joe wi nè je moeder. Ik dienke dâ jie toen drie jaer was”
Gratis onbeperkt toegang tot Showbytes? Dat kan!
Log in of maak een account aan en mis niks meer van de sterren.Lees Meer
-
Driekwart eêuw een tillefon!
De huus en kleinhuus bin d’r vô een deêl de oorzaek van dat ouwere mensen aolmè meer in het bezit komme van een mobieltje mee aoles d’r op en d’r an, zeker in deze tied! De ‘ouwere’ bin de kwetsbaere groep, riepe vô…..( laet de jeugd het mè invulle!) Natuurlijk lope d’r ook nog senioren rond mee een mobieltje type Fred Flinstone, alleên geschikt om te bellen. Mè van aole kanten oordt gezeid dat zô’n ding, vroeger noemde me ’t een ‘vèreluller’, onmisbaer is. Ze kope d’r wè eên vô ons! De eeste instructie is kort en alleên geschikt vô snelle leerlingen. Nie vô mien dus! Di bin nog extra ‘lessen’ nôdig vô vele. En de meêste instructeurs ebbe weinig geduld! Gevolg is, dâ me het apperaât mè vô een deêl gebruke. Aolmè vraehe staet ook zô stom! -
PREMIUM
streektaal/audio Best nog lekker in ‘t zonnetje ‘ôôr
,,Jao, joeng”, zegt de buurman, binst an me ’n bakje koffie drienken, ,,de daogen liggen dichte bie mekaore, mao ze kunnen ‘êêl vee verschillen.” Ik knikken maor ’s, want dat is ’n waor’eid as ’n koe. -
PREMIUM
Knuffelaerme zônes
Deur de corona bin me uut mekaore edreve. Het mekaore een and geve a je een aar ontmoet dat kan nie vanwege de anderalve meter tussenruumte die a me an motten ouwe. En voe knuffele is t’r zeker gin ruumte. Oe dikkkels a je dan ok oart a ze nie kunne knuffele is glad bar. Of a ze iervoor niks anders deeë. -
PREMIUM
Streektaal - Audio Bie de notaoris was in bleef 't nehen ure
Ons bin naer de notaoris eweest. Dat è m’n nie zômâ edae, ô. M’n aode bie ‘n paer maansen ezie dat ‘t eêl moelijk was vô de kinders om ‘t uus van pao in moe te verkoapen zonder ‘n testement in m’n oôrde van ‘n paer vrienden dat ‘t eêl goed zou weze om dat te laete maeken. Want vô dat je ‘t weet mot je aarg vee naer de belastiengen brienge in dat wille m’n liever nie. -
PREMIUM
streektaal/audio Om zeven uren nao bed
‘k Zie ze dao nog ankommen: twee vrouwen mee ‘n Duitse herder. Stevig stappend op ‘t trottoir. Angelijnd, da wel. ‘t Was tegen ‘n uur of achte. ‘k Stoeng net mee m’n tillefoontje op m’n stappenteller te kieken. Da doen ‘k nogal ‘s; da’s ‘n gewènte geworren de leste jaoren. Asof het telepathie was roept één van die vrouwen: ,,Hie moe zeker ook nog ‘n rondje doen van je stappenteller?” Ik roepen terug dat dat zô is, mao dan ‘k vanwege de coronao in m’n ‘uus moe bluven. ,,Wudder moeten d’n ‘ond uutlaoten ee”, roept d’r êne terug. Tied voor ‘n praotje is t’er nie bie.
-
Streektaal Snoepe
Mien schoônmoeder was ‘n snoeper, misschien is ze daerom wè zô oud g’ore. Z’ao bienae aoltied wè pumperment bie d’r. Ze was dan koninklijk an ‘t snoepen, want op de pumpermenten stieng ‘t portret van konehinne Wilhelmina. Ons kieke zaalf nie naer ‘t maark, mâ wulder luste ‘t ok graeg. -
PREMIUM
streektaal/audio Kinders maeke de Citotoetsen aolsmâ slechter
As je veertig jaer an de kinders les eheven eit, bluuf je toch mit belangstellieng volhe oe of ‘t varder gaet mit ‘t onderwies. Want dat verandert aoltied in dâ’s mâ goed ok. -
PREMIUM
streektaal/audio Een zakje mie gruus
Wat is de Zak van Zuud-Beveland toch een moai gebied. Het let nie wa voe tied van ‘t jaer het is. In ‘t voorjaer de meidoorn en het pieperloôf. En a dat aollemille uut’ebloeid is kriege me de blomdieken. Ok het naejaer is de moeite waerd mie de blaeren die a aollerlei kleuren kriege. En dìnae de kaele bômen in de winter. Dan zie je pas oe moai a de stammen en de takken bin.
