Driekwart eêuw een tillefon!
De huus en kleinhuus bin d’r vô een deêl de oorzaek van dat ouwere mensen aolmè meer in het bezit komme van een mobieltje mee aoles d’r op en d’r an, zeker in deze tied! De ‘ouwere’ bin de kwetsbaere groep, riepe vô…..( laet de jeugd het mè invulle!) Natuurlijk lope d’r ook nog senioren rond mee een mobieltje type Fred Flinstone, alleên geschikt om te bellen. Mè van aole kanten oordt gezeid dat zô’n ding, vroeger noemde me ’t een ‘vèreluller’, onmisbaer is. Ze kope d’r wè eên vô ons! De eeste instructie is kort en alleên geschikt vô snelle leerlingen. Nie vô mien dus! Di bin nog extra ‘lessen’ nôdig vô vele. En de meêste instructeurs ebbe weinig geduld! Gevolg is, dâ me het apperaât mè vô een deêl gebruke. Aolmè vraehe staet ook zô stom!
Ik dienke, dâ de joengere mensen d’r eihen totaâl nie kunne indienke oe of het mee de tillefon driekwart eêuw gelee hieng. Wat ebbe ons een ontwikkeling meegemaekt. Dat kleine dingetje, dâ noe in je kontzak zit, is lichtjaeren weg van datgene wi ons as kind kennis mee maekte. Noe is het een horloge, een wekker, een meetlatte, een schriefmachine, een krante, een tillevisie, een plaetespeler, een encyclopedie en eit het nog twintig andere functies. ( O, jâ, je kan d’r ook mee belle) Mè toen…. Ik bin nog uut de tied dat de meêste mensen d’r hlad hin aode en dus niet ‘overal en aoltied’ bereikbaer waere. Je schreef oogstens een brief as ‘t echt nie anders kon. Je fermielje ao ook hin tillefon, dus… je spaerde je nieuws op!
Hin discussie
Een mooi voorbeeld ken ik nog uut de tied dâ’k as kind in Béékerke weunde. De dokter, die uit Zoetelande kwam, belde je nie vô een afspraek, mè je hieng nè een adres op ’t durp en di gaeve ze de dokter een route mee. En as ’n dan kwam, moest je nie te vee zeie over je ziekte. Dat besliste ie zelf. Ook wat er tegen te doen was en de medicienen die je kreeg. Hin discussie! Tegenwoordig zoeke ze op d’r mobieltje â aoles op vôdat ze nè de arts hae. De dokter oeft alleen mè te bevestigen wat ze gevonden ebbe! En liever hin andere oplossingen bedienke!
Mien eeste tillefon was een angtillefon en je draoide nog echt een nummer. De tandartsen begonne mee echte afspraeken. De spreekuren mee volle kaemers mee muusstille mensen rocht toch te ouwerwes. Alleên mien tandarts bleef van eên tot drie uren spreekuur ouwe. Ik ore die bore van die vent bie wieze van spreken nog vanuut z’n behandelkaemer.
Noe probeer ik ook m’n mobieltje overal mee nè toe te nemen. Vô ons bin appen en face-timen Nederlandse woorden hore . Ik kan wat dingen ‘een bitje’ â is m’n app-snelheid droevig laohe! As ik belle oef ik hin nummers mi te draoien. Het is noe mè tikken!
Gratis onbeperkt toegang tot Showbytes? Dat kan!
Log in of maak een account aan en mis niks meer van de sterren.Lees Meer
-
PREMIUM
Huis vol ongebruikte aankopen? Zo voorkom je nutteloze uitgaven
Weinig geld hebben en toch flink uitgeven. Sommige mensen hebben een gat in hun hand. Waarom is het voor hen zo moeilijk om financieel pas op de plaats te maken? -
Met deze tool zie jij op welke toeslag of welk potje geld je recht hebt
Zorgtoeslag, huurtoeslag, bijzondere bijstand. Er zijn veel potjes met geld maar mensen weten ze vaak niet te vinden. Om die reden lanceren schuldhulporganisaties Geldfit en VoorzieningenWijzer nu een online Potjes-check. Zo kun je zelf raadplegen op welke voorzieningen je recht hebt. -
PREMIUMstreektaal
‘t Was aomè eihebelang
Acht jaer eleej bin ik dû de drie streektaelschrievers evrohe om mee te hae doen in het Schouws, want dat was t’r nog nie. ‘t Was aomè eihebelang, ô, want om aalke drie weken ’n column te schrieven in dialect is gin kattepis. ‘t ‘Oor wat minder zwaer as je mit z’n vieren bin. Dat ‘r wat Schouws in de krante zou komme vond ik eêl belangriek, want, zô zaahe wulder ier, de Schouwse taele is de moôiste van aolemaele. Ik bin toe behonne mit ’n stikje over dialect en daeruut wil ik eêst wat overneme. -
PREMIUMtips
De muren toe aan een likje verf? Zo kies je de juiste kleur
De gemiddelde Nederlander geeft de muren in huis elke drie tot vier jaar een nieuw kleurtje. Maar hoe kies je een goede tint? Heleen van Gent, kleurexpert bij AkzoNobel, geeft advies. -
streektaal
Gevlucht vô de kaarmisse
Wulder waere wî ’s gevlucht vô de kaarmisse die bie ons vlak vô de deure staet in die ‘n weke lank ’t eêle durpsplein bezet. Eêl vroeher was de Renissese mart zô-as de kaarmisse toe genoemd wier drie daehen in dan stienge d’r ’n kuresel, ’n schiettente, ’n man mit ’n aop, ’n schommel, as of je in ’n boôtje zat.
-
streektaal/audio
Graeve in je geheuhen!
De leste maenden is m’n agenda aokelig leeg gebleve. Mee naeme m’n vertelmiddegen en-aevenden waere aol afgelast en nieuwe afspraeken wieren nie gemaekt. Zôdoende ao ik niks voor te bereiden en bleef het schriefwerk beperkt tot ‘streektaâl’. Dat doe me noe om de drie weken omdâ Engel Reinoudt een stuitje uut de roulâtie is (Beterschap Engel!) -
-
-
PREMIUMStreektaal - Audio
Waeter
Je kan ’t je bienae nie voôrstelle, mâ onderd jaer eleej was t’r op Schouwen-Duveland gin drienkwaeter zô-as noe. De maansen aode messchien in de keuken ’n pompe, mâ de meêste aode achter ’t uus ’n rehenbak te staen. As ze waeter moste è aelde ze dat daeruut. -
PREMIUMStreektaal - Audio
Strandtente
Wulder mieke ‘n fietstochje lengst de dunen. ‘t Was moôi weer in aolverwehe gienge m’n wat gebruke bie Jan in de strandtente. Dû aole corona-rehels kô je nie naer binne, mâ z’aode ‘t terras zô inhericht dat ‘r toch vee maansen konde zitte. ‘t Was nog moelijk om ‘n plekke te vinden waer of ons mit z’n tweêen konde neerstrieke, want d’r waere d’r eêl vee, die blie waere dat ze op ‘n terrasje wat konde gebruke.
