Rinus Willemsen. — Rinus Willemsen. © Peter Nicolai

Die trekken wel bie, ‘ôôr

streektaal/audio,,Hie bin zeker ziek gewist?” roept ‘n vrouwe tegen me, toen ‘k gisteren in m’n ‘ofje stoeng. ‘k Was de rozenbottels an ‘t afknippen. Mêêstal laot ik die staon tot nao de leste vost. De veugels kunnen dan ommerst lekker van die bottels eten as ‘t vriest. Mao da’s verbie. D’r is glad gêên vost gewist deze winter.

Rinus Willemsen 18-02-20, 09:00

audio
Nog een stikje over Zoetelande!

4 september Zaeterdagochen in Zoetelande. Midden in de zeumer. Het is doenker en bewolkt nae een zinderend waerme vriedag. Ik gae mè â vroeg een rondje lope. Dankzij dokter D. uut R., die me van een stenose afielp, kan ik noe, inplekke van een paer onderd meter, wi een paer uren lope. Eest nog even de PZC bekieke mee een stikje over "Zoetelande en de Meêuwen", dan op pad. Bie de plaetselijke super is 't â stik druk. Een joeng ventje spuit wat op het andvat van een winkelkarre en een echtpaer besluut liever twi karren mee te nemen nè binnen dan dâ "meneer" buten wacht. "Moeders" moest es verkeerde vla meeneme! Het joentje reageert nie eêns!.
PREMIUM

streektaal/audio
Bilvergroating

16 juli Noe stoeng ‘r vorige weke in de krante een artikel over bilvergroating. Ik wist nie a dat kon en ik vond het ok vremd. Je zou toch in eêste instantie dienke da je eêrder je kont zou laète verkleine dan vergroate, mae neê, vergroate is populair an het worren.
PREMIUM

streektaal/audio
‘Wat waere ze in de were vô me!’

31 maart Slaope is goed, gezond en noodzaekelijk. Mè as aolebei je bênen en voeten slaope onderwiele dat de rest van je lief wakker is, dan haet er ies mis! Zô was dat bie mien en dirom kwam ik terecht bie twi knappe koppen, dokter P. te V. en dokter D. te R. Het resultaât was: drie nachten nè het Adrz-hotel in Goes, mee aoles d’r op en d’r an. Eêl gastvrie was ’t dâ’k zelfs op d’n ochen van ankomst nie mi tuus oefde te eten. Echt Zuud Beveland! Dokter D. ao beslôte dâ mien ruggewervelkanaâl verbreêd moest ore. Di zouwe m’n bênen zêker wakker van ore, docht ‘n. Ie keek me â bie ’t eeste gesprek zô vol vertrouwen an, dâ’k onbevreêsd nè ’t hotel hieng. Ie zou dat vaerkentje wè es wasse! Jae, ’t was millimeterwèrek, mè ie dee zuk soort klusjes â eêl wat jaeren.
PREMIUM

streektaal/audio
Gelokkig is Rutte ’n ouwerjaerse schoolmeêster

22 september Vuuvenzeventig jaer eleeje was de bevrijdieng. Ik was tiene, mâ ik euhe nog ‘t gedans in gezwier van de maansen. Vlak bie ons uus aode ze ‘n dansvloer an’eleid in saeves wier d’r gedanst. Meêstentieds deeje de meissen dat mit de joengers in uniform. De aore mannen stienge daer toch wè ‘n bitje jeloers bie te kieken. ‘n Groôte lampe brocht vee licht, mâ wat ‘r buten de lichtkrieng gebeurde kô je nie zie. Dat wier pas maenden laeter dudelijk dû ‘n zwellieng van de buken bie sommigte meissen. Jao, vee meissen aode de vrie’eid nie an’ekund. De soldaoten waere allank â vertrokke naer uus. Â je d’r goed over naedienkt was t’r toe â zô-ies as ‘n brexit. In je mag dan vrie weze, verantwoordelijk bluuf je as maans vô aoles wat of je doet. Dat ‘oor tehenwoordig wè ‘s verhete.
streektaal/audio
Twi drupjes trug leie..?

4 februari Soms ebb’ik wè es wat moeite om een onderwerp te vinden vô de weke da’k an de beurte bin vô deze rubriek. Ook afgelope maend kon’k er mè hin hang in kriehe. Ik kon toch wi hin verslag doe van de zôveeste ‘eclantante en fomidabele’ overwinning ( ik gebruke die woorden nog een keer ter ere van Lein de Wolf, de vee te vroeg gestorve an-mekaore-praoter bie ’t ringrieën ier op ’t eiland!) van de biljarters van de Meliskerkse soos op de biljartverêniging van ’t zelfde durp. En ook nie oe of’t mee me hieng nae een maend hin alcohol drinke, wan vô mien bin aole maenden alcoholvrie! Ik ao ook nie ’t gevoel da’k in de vee besproke januari-dip zat. Neê, ik kon gewoon niks bijzonders vinde. En dirom komt er noe een gewoon verhaâltje over een sombere nachtemiddeg, toen me op onze fietsen, mee ondersteuning, nè Pauwenburg, an de rand van Vlissinge hienge. Vô aole dudelijkheid èn vô iedereên, die ‘nog nie’ an zô’n fiets toe is; as me nog op een gewone fiets gemoeten aode, ao ik m’n vrouwe nooit meegekrege om di wat vergete booschappen te h’n aelen!