Thinkstock
Volledig scherm
PREMIUM
© Thinkstock

De mannen

streektaal/audioMien jeugd è’k in Nijmegen dûhebrocht. Ik ao twî zussen in ‘n broer. Moe aod’t aoltied over “de mannen”. Noe, die mannen deeje vee saeme. Ons waere mit z’n drieën in de Postharmonie, daer moste m’n aalken zondagochend nae toe. Tuus deeje m’n ok wè ’s saeme blaeze. Pao op d’n oorn in de broers aolebeie op klarinet.

  1. ‘Wat waere ze in de were vô me!’
    PREMIUM
    streektaal/audio

    ‘Wat waere ze in de were vô me!’

    Slaope is goed, gezond en noodzaekelijk. Mè as aolebei je bênen en voeten slaope onderwiele dat de rest van je lief wakker is, dan haet er ies mis! Zô was dat bie mien en dirom kwam ik terecht bie twi knappe koppen, dokter P. te V. en dokter D. te R. Het resultaât was: drie nachten nè het Adrz-hotel in Goes, mee aoles d’r op en d’r an. Eêl gastvrie was ’t dâ’k zelfs op d’n ochen van ankomst nie mi tuus oefde te eten. Echt Zuud Beveland! Dokter D. ao beslôte dâ mien ruggewervelkanaâl verbreêd moest ore. Di zouwe m’n bênen zêker wakker van ore, docht ‘n. Ie keek me â bie ’t eeste gesprek zô vol vertrouwen an, dâ’k onbevreêsd nè ’t hotel hieng. Ie zou dat vaerkentje wè es wasse! Jae, ’t was millimeterwèrek, mè ie dee zuk soort klusjes â eêl wat jaeren.