Volledig scherm
PREMIUM
© Thinkstock

De geêst van de tied

streektaal/audioVan ‘t jaer was ik vô de twidde keer van m’n leven in de buurte van Aken in Duitsland. Hin schokkende mededêling! Meer dan 55 jaer gelee kwam ik er vô d’eeste keer. Dien eeste keer is me eêl goed biegebleve. Aken was toen het eindpunt van d’n eesten etappe van een fietstocht vanaf uus langs de Rijn. Een vô die tied bijzondere tocht. Vier joenge joengers hienge vô twi weken op de fiets weg. Mee niemand contact onderwehe. Hin bericht, goed bericht moeste ze mè dienke.

PZC gebruikt je persoonsgegevens om deze reactie te kunnen plaatsen. Meer informatie vind je in ons privacy statement
  1. Twi drupjes trug leie..?
    streektaal/audio

    Twi drupjes trug leie..?

    Soms ebb’ik wè es wat moeite om een onderwerp te vinden vô de weke da’k an de beurte bin vô deze rubriek. Ook afgelope maend kon’k er mè hin hang in kriehe. Ik kon toch wi hin verslag doe van de zôveeste ‘eclantante en fomidabele’ overwinning ( ik gebruke die woorden nog een keer ter ere van Lein de Wolf, de vee te vroeg gestorve an-mekaore-praoter bie ’t ringrieën ier op ’t eiland!) van de biljarters van de Meliskerkse soos op de biljartverêniging van ’t zelfde durp. En ook nie oe of’t mee me hieng nae een maend hin alcohol drinke, wan vô mien bin aole maenden alcoholvrie! Ik ao ook nie ’t gevoel da’k in de vee besproke januari-dip zat. Neê, ik kon gewoon niks bijzonders vinde. En dirom komt er noe een gewoon verhaâltje over een sombere nachtemiddeg, toen me op onze fietsen, mee ondersteuning, nè Pauwenburg, an de rand van Vlissinge hienge. Vô aole dudelijkheid èn vô iedereên, die ‘nog nie’ an zô’n fiets toe is; as me nog op een gewone fiets gemoeten aode, ao ik m’n vrouwe nooit meegekrege om di wat vergete booschappen te h’n aelen!