article
1.6070756
D’r ‘ore aalk jaer op 4 meie op Renisse bie ‘t moôie oorlogsmonement kransen eleit vô de gevallenen. D’r bin op 10 december 1944 10 maansen op’ehange, die van ‘t eiland wouwe vluchte naer ‘t bevrijde Noord-Beveland.
Vluchte (audio)
D’r ‘ore aalk jaer op 4 meie op Renisse bie ‘t moôie oorlogsmonement kransen eleit vô de gevallenen. D’r bin op 10 december 1944 10 maansen op’ehange, die van ‘t eiland wouwe vluchte naer ‘t bevrijde Noord-Beveland.
http://www.pzc.nl/extra/streektaal/henk-blom/vluchte-audio-1.6070756
2016-05-07T06:45:00+0000
http://www.pzc.nl/polopoly_fs/1.4551753.1477391501!image/image-4551753.jpg
Schouwen-Duiveland,Taal,Dialect,Streektaal,Henk Blom,hermes
Henk Blom
Home / Extra / Streektaal / Henk Blom / Vluchte (audio)

Vluchte (audio)

Foto's
1
Reacties
Reageer
    D’r ‘ore aalk jaer op 4 meie op Renisse bie ‘t moôie oorlogsmonement kransen eleit vô de gevallenen. D’r bin op 10 december 1944 10 maansen op’ehange, die van ‘t eiland wouwe vluchte naer ‘t bevrijde Noord-Beveland.

    Dat aode ze misschien beter nie kunne perbeere, mâ jao, dat is achterof praete. D’r zou ‘n Engelse boôt vanuut Noord-Beveland de mannen snachs op komme aele an d’n diek dichte bie Zurrikzeê. ‘t Was de twidde keer dat ze ‘t perbeerden, want de eêste keer aode de Schouwen-Duvelanders de Engelse soldaoten op onderd meter emist. Noe, de boôt miek zôvee leven, dat de wachtpost bie d’n aeven van Zurrikzeê ‘t kon ‘oôre in toe wier d’r trek ‘n petroelje naer d’n diek estierd. Daer wier de kro vluchters ondekt. D’r wier eschote in d’r kon d’r eêne wegkomme. De tiene die ze wè konde griepe bin bie Slot Moermond op’ehange. Je kan de plekke gae bekieke, want d’r leit ‘n groôte steên waerop enkelt staet: 10 december 1944. Laeter is t’r op ‘n aore plekke ‘n groôt oorlogsmonement gekomme. De schoolkinders è dat monement geadopteerd in bin zôdoende bie de erdenkiengen belangriek. Ik mot zaahe, de gemeênte maekt’r aalk jaer ‘n indrukwekkende zaek van.

    In 1953 wier ons eiland aarg getroffe dû de Ramp. Ik zat toe nog op de ‘kweekschole’ in ik wete nog dat ‘r op ‘t nieuws wier ezeid dû eêne vanuut ‘n vliegtuug: ‘Schouwen-Duiveland bestaat niet meer’. Eêl vee maansen kwaeme as vluchtelieng in de West’oek trechte, want ier was ‘t nog droahe. Laeter wiere ze ophevange dû maansen in aore plekken aarhest in Nederland. Me wete aolemaele oevee ulpe d’r was uut aole deêlen van de waereld.

    ’t Ofheloape jaer krehe m’n aore vluchteliengen in de West’oek van Schouwen. Die wiere onder’ebrocht in ‘n sportzael in Aemstie. D’r waere vee vriewillihers bie betrokke die d’r eihe commesaoris eloapen è om de boel op tied vô mekaore te kriehen. De vluchteliengen aode vee lof vô d’n opvang. Ze vonde ‘t jammer dat ze wî naer ‘n aore plekke moste. De gemeênte was groôs in dat mocht ze weze ok. Daerom stae ik d’r noe van te kieken, dat Schouwen-Duveland bie de gemeênten staet die of nog gin plekke è vô nieuwe vluchteliengen, die ier motte komme wone. Z’è toch ‘n geschiedenis van 1944, van 1953 in van 2015, mâ noe zaahe ze aneêns dat ier ma 9% van de Zeêuwen wone in dat wulder dae dust nie zô gauw an kunne behinne. Ze doe d’r besten om miljoenen overnachtiengen van toeristen te kriehen, mâ vô doôdsbenauwde maansen bin ze eêl aarg traeg. Ze motte d’r nog ‘s over dienke in d’r nog ‘s over praete. Dae schaem ik m’n eihe noe vô. Je zâ toch mâ van j’n uus motte wegvluchte in aoles wat j’eit motte achterlaete. Dat doe je enkelt as ‘t nie aors kan, â je perbeert je lief te redden of je kinders. ‘t Liekent wè of Schouwen-Duveland zaalf wegvlucht. Ze noeme d’r eihe De Kroône van Zeêland! Ik zag noe toch ‘n moôie steên uut die kroône vaole. Ze ope, dat iedrendeên ‘n band mit Schouwen-Duveland zâ kriehe. Noe, die aok’ik ok, mâ op deze meniere oort die wè wat losser! D’r zitte meer kanten an de zaek, dat weet ik ok wè.

    De COA zou d’r eihe minder motte bemoeie mit de plekken die de gemeênten anwieze. Die wete dat zaalf volhes mien ‘t aolerbeste. Mâ dan bluuf toch stae dat Schouwen-Duveland wat vinniher zou kunne weze. Kom maansen, vodder ‘s ‘n bitje!