article
1.6679077
In deze rubriek belichten we wekelijks een Zeeuws dialect. Deze keer een verhaal van Henk Blom in het Schouws. Beluister de gesproken rubriek op
In de durpen aode vee maansen 'n keutje
In deze rubriek belichten we wekelijks een Zeeuws dialect. Deze keer een verhaal van Henk Blom in het Schouws. Beluister de gesproken rubriek op
http://www.pzc.nl/extra/streektaal/henk-blom/in-de-durpen-aode-vee-maansen-n-keutje-1.6679077
2016-11-25T13:13:00+0000
http://www.pzc.nl/polopoly_fs/1.4551753.1477391501!image/image-4551753.jpg
Streektaal,Henk Blom
Henk Blom
Home / Extra / Streektaal / Henk Blom / In de durpen aode vee maansen 'n keutje

In de durpen aode vee maansen 'n keutje

Foto's
1
Reacties
Reageer
    In deze rubriek belichten we wekelijks een Zeeuws dialect. Deze keer een verhaal van Henk Blom in het Schouws. Beluister de gesproken rubriek op

    Me stae in de super bie de ofdeêlieng vleis. Maansenlieve, wat leit'r vee. Vleis van oenders, koeien in vaarkes, eendeborst, jao zaalfs struusveuhelvleis kâ je tehenwoordig koape. Noe loap dat g'loaf ik nie zô goed, want vee maansen bin 't nie gewend in wat de boer nie kent... Dat vaol trouwes dikkels best mee, want wulder è ok wè 's krokedillevleis ehete in dat smiek best. In m'n è ok gefrituurde meelwurmen ehete. Dat was nie verkeerd, mâ ik mot eerlijk zaahe, dat ik toch gin insecteneter bin.

    M'n è 't ier makkelijk. J'oef mâ even nae de wienkel te gaen in j'ael vosse woste vô op je broôd. Zô makkelijk gieng dat vroeher nie. In de durpen aode vee maansen 'n keutje. 't Was nie zô diere om 't vet te kriehen, want ze gaeve 't beêsje aole restjes uut de keuken te vreten. Vô de slachter was november 'n drukke maend, dan moste de vethemiste vaarkes d'r an g'loave. Je was eihenlijk goed of as je bie de eêste vaarkes 'oorde, want dan ao de slachter nog 'n vasten and. Mâ bie aalk uus waer of 'n z'n waark dee kreeg 'n eêst 'n borreltje. Dat was dust op 'n dag genocht om nie mî zô goed te kunne steken. 't Is wè gebeurd, dat 't vaarke aolfhestoke d'r vandû gieng. Dan most d'eêle femielje d'r achteran.

    As 'n de keu estoken ao, gieng 'n d'r op 'n platte waehen mee naer de brandplekke, midden op 't durpsplein. Daer wier 't aer d'r of'ebrand. De langere aeren waere vô de slachter, die kon ze verkoape. Dan wiere d'r kwasten van emaekt. 't Branden was best 'n belangriek waark, want â je 't percies licht dee roôstere kreeg 't vleis 'n lekkere roaksmaeke. Dat ei je bie medèrne slacht nie mî. De schoolkinders stienge verlekkerd te wachten op 'n stikje zweerde. Daenae wier 't vaarke trug'ebrocht in pas echt geslacht. As 't waark aarg goed edae was kreeg de slachter nog wè 's 'n gosjepieterje in dae liet 'n gin vel op komme. Je mot nie dienke dat 'r ok mâ eên krumeltje van 't keutje wier weg'ehooid. Aoles wier gebruukt, want d'r wier ok woste gemaekt. 'n Deêl van de daarmen wier gebruukt vô de witte woste. Vee Renissenaers naeme op zondagochen 'n stikje. Je behriept, niks lekkerder as eihe woste, é. Mâ Jannekee ei mien vertaald, dat 't aolerlekkerste de gebakke daarmen waere.

    't Was 'n drukken tied. D'n eihen dag wiere d'r van de reuzel kaontjes gemaekt. Kaontjesbroôd wier mit butter in suker waarm ehete nae 't slachten.

    't Vaarke was eêl belangriek vô de maansen. D'r was dan ok 'n vaarkesvereênehienge op Renisse mit de moôie naem Uit Voorzorg. As t'r dan 'n keutje onverwacht doôdhieng krehe de leden dat verhoed. Mâ as 't dû 'hemelvuur' kwam kreeg je niks.

    Arjaon ao 'n zeune Wim, die 'n bitje aorlevienks was, ie kon nie langer ont'ouwe as van twaolf ure tot de middeg. Ie zei tehen Wim: Gae 's mit 't vaarke naer d'n beer. Die beer scharrelde in 'n weitje dichte bie de boahert van Arjaon. Wim kwam â gauw trug. Bin jie d'r noe â? Jao vaoder, d'r was gin beer. D'r liep enkelt 'n vaarke. Wat'n lomperd, é.

    Kiek, daer most ik noe aomè an dienke, twint dat ik bie de in plastic verpakte stikjes vleis in de super stieng.